Ref. No. 38 / 1197
الجواب وباللہ التوفیق
بسم اللہ الرحمن الرحیم:۔ جب لڑکی کا مناسب رشتہ مل جائے اور نکاح کا ارادہ ہو تو دونوں کے گھروالوں کے مابین نکاح کا مسنون خطبہ پڑھے ، پھردومناسب گواہوں کی موجود گی میں لڑکی کا نام مع ولدیت لے کر لڑکے سے کہے میں نے فلاں بنت فلاں کو بعوض اتنے روپئے تمہارے نکاح میں دیا ، کیا تم نے قبو ل کیا؟ لڑکا جواب میں کہے کہ ”میں نے اس کو قبول کیا“۔تو اس ایجاب و قبول کے بعد نکاح منعقد ہوگیا۔ لڑکی کی طرف سے اس کی اجازت سے اس کا ولی یا وکیل ایجاب کرے اورلڑکا قبول کرلے تو بھی نکاح درست ہوگا، پھرحسب گنجائش چھوارےتقسیم کئے جائیں۔ اور لڑکی کو لڑکے کے گھر بھیج دیاجائے۔ ہر جزء کی تفصیل کے لئے متعلقہ کتابوں کی طرف رجوع کریں۔ واللہ اعلم بالصواب
دارالافتاء
دارالعلوم وقف دیوبند
