Ref. No. 39 / 861
الجواب وباللہ التوفیق
بسم اللہ الرحمن الرحیم:۔ قبر کو مضبوط کرنے کے لئے پکی اینٹیں یا بہت مضبوط لکڑی وغیرہ لگانا مکروہ ہے۔ لکڑی صرف اس قدر مضبوط ہو کہ مردہ کے جسم کے خاک میں ملنے سے پہلے زمین بوس نہ ہو۔ مردہ کے اعضاء جب مٹی میں مل گئے ہوں اور اس کا نشان وغیرہ سوائے ہڈیوں کے کچھ نہ بچا ہو اور پھر قبر بیٹھ جائے تو اس میں کوئی حرج نہیں ہے؛ پھر قبر کو برابر کردیا جائے تو بہتر ہے۔ اور اگر قبر کی علامت باقی رکھنی ہو تاکہ کوئی اس پر پیر نہ رکھے تو تھوڑی سی مٹی اوپر کوہان نما بنادی جائے جس سے قبر کی شناخت ہوسکے۔ واللہ اعلم بالصواب
دارالافتاء
دارالعلوم وقف دیوبند