Ref. No. 1661/43-1269
بسم اللہ الرحمن الرحیم:۔ہر مسلمان پر اس قدر علم حاصل کرنا فرض عین ہے جس سے فرائض و واجبات، حلال و حرام کی تمیز ہوسکے پورا عالم بننا ہر شخص کے لئے ضروری نہیں ہے۔ اس لئے اگر کوئی عقیدہ کا صحیح علم نہ رکھنے کی وجہ سے شرک میں مبتلا ہوگا تو اس کا یہ عذر قابل قبول نہیں ہوگا، اسی طرح اگر کوئی کسی حرام کام میں لگاہواہو لاعلمی کی وجہ سے تو وہ چیز اس کے لئے حلال نہیں ہوگی، وہ حرام کام کرنے والا ہی شما ر ہوگا۔ اگر کسی نے فرض چھوڑدیا لاعلمی میں تو اس کے ذمہ سے فریضہ ساقط نہیں ہوگا بلکہ وہ گنہگار ہوگا، اور اس سے مواخذہ ہوگا۔ اس لئے عقیدہ وغیرہ کا ضروری علم سیکھنا ہر مسلمان پر فرض ہے۔
(2) آپ کے لئے فی الحال آئی اے ایس آفیسر بننا زیادہ آسان ہے، اس میں مہارت پیدا کریں اور قوم کی خدمت کریں، اور ساتھ ساتھ دینی علوم میں کسی ماہر عالم دین سے مستقل طور پر رابطہ میں رہیں، اس طرح دونوں کے تقاضے پورے کرسکیں گے۔
واللہ اعلم بالصواب
دارالافتاء
دارالعلوم وقف دیوبند
