ایک خاتون کے شوہر کا آٹھ دس سال پہلے انتقال ہو گیا تھا - چونکہ وہ سرکاری ادارے میں ملازم تھے اس لئے ان کو کچھ فنڈ وغیرہ بھی ملے تھے - اس وقت اس خاتون کے ساس سسر زندہ تھے لیکن وہ پیسے خاتون نے خود ہی رکھ لئے کیونکہ اس وقت ان کو پیسوں کی ضرورت تھی - اس کے علاوہ ان کے شوہر کا ایک پلاٹ بھی تھا - اسی دوران ان کے سُسر کا انتقال بھی ہو گیا - اب وہ پلاٹ بھی بیچ دیا ہے اور خاتون کی ساس نے اپنے حصے کے پیسے لینے سے منع کر دیا ہے - تو وہ یہ جاننا چاہتی ہیں کہ ان کے سُسر جو کہ انتقال کر چکے ہیں تو ان پیسوں کا کیا کیا جائے جو کہ ان کے سُسر کے حصے آتے اگر وہ زندہ ہوتے ؟ کیا وہ پیسے اپنے شوہر کے بہن بھائیوں کو دے سکتی ہیں ؟ یا پھر سُسر کے نام پر خیرات کر دی جائے ؟ کیا ان کے شوہر کی وراثت میں بہن بھائیوں کا حصہ بھی بنتا ہے ؟