55 views
احادیث میں اگر کہا جائے کہ فلاں حدیث روایت مرسل منقطع ہے تو مرسل منقطع حدیث کیا ہوتی ہے ؟
کیا یہ ضعیف ہوتی ہے ؟
asked Aug 17, 2021 in فقہ by سلطان

1 Answer

Ref. No. 1545/43-1126

الجواب وباللہ التوفیق

بسم اللہ الرحمن الرحیم:۔ اگر حدیث کی سند میں تابعی کے بعد راوی ساقط ہوں مثلا تابعی کہیں : قال رسول اللہ او فعل رسول اللہ ﷺ کذا ۔۔۔ تو اس روایت کو مرسل کہتے ہیں۔ اور اس کو منقطع بھی کہہ سکتے ہیں۔ اس لئے کہ درمیان سند سے کسی بھی راوی کے ساقط ہونے سے سند میں انقطاع پیداہوجاتاہے اور اس انقطاع کی وجہ سے ضعف بھی پیداہوتاہے ، تاہم مرسل روایت حضرت امام ابوحنیفہ اور امام مالک کے نزدیک مطلقا قابل قبول ہے، اور امام شافعی کے نزدیک چند شرطوں کے ساتھ قابل قبول ہے، جمور محدثین کے نزدیک مرسل کا حکم توقف کا ہے۔

وان کان السقوط من آخرالسند فان کان بعد التابعی فالحدیث مرسل وھذا الفعل ارسال کقول التابعی قال رسول اللہ ﷺ ۔ وحکم المرسل التوقف عندجمہور العلماء۔ وعند ابی حنیفۃ ومالک المرسل مقبول مطلقا (مقدمہ شیخ عبدالحق )

واللہ اعلم بالصواب

دارالافتاء

دارالعلوم وقف دیوبند

answered Oct 26, 2021 by Darul Ifta
...