Darul-Ifta

الجواب وباللہ التوفیق: صورت مسئولہ کا دارو مدار دو مسئلوں پر ہے۔ ایک تو یہ کہ نماز باجماعت ادا کرنی واجب ہے یا صرف سنت، یا مستحب یعنی افضل اور موجب ثواب ہے۔ اور اگر واجب ہے تو کیا یہ صحتِ نماز کے لیے شرط ہے۔ یعنی جماعت کے بغیر نماز نہیں ہوتی یا شرط نہیں یعنی نماز تو ہو جاتی ہے لیکن انسان ترکِ جماعت کی وجہ سے معصیت اور گناہ کا مرتکب ہو جاتا ہے۔
اول مسئلہ سے متعلق امام بخاریؒ، امام احمدؒ، امام شافعیؒ، ابن المنذرؒ، حسن بصریؒ، ابن خزیمہؒ، ابن حبانؒ، ابو ثورؒ، عطا بن ابی رباحؒ اور اوزاعیؒ کا فتویٰ یہ ہے کہ نماز باجماعت واجب ہے اور بغیر عذر شرعی کے جماعت کا چھوڑنا جائز نہیں۔ اور اگر کوئی چھوڑ دے تو نماز ادا تو ہو جائے گی، لیکن وہ ترک جماعت کی وجہ سے مرتکب معصیت ہو گا۔ کیوں کہ ترکِ واجب معصیت ہے۔
حافظ ابن حجرؒ فتح الباری میں اور ابن القیمؒ نے ’’الصلاۃ وحکم تارکہا‘‘ میں لکھتے ہیں۔
’’و إلی القول بأنھا فرض عین ذھب عطاء و الأوزاعي و احمد و جماعۃ من محدثي الشافعیۃ کأبي ثور و إبن خزیمۃ و إبن المنذر و إبن حبان و بالغ داود و من تبعہ فجعلھا شرطا في صحۃ الصلٰوۃ‘‘(۱)
’’أما المسئلۃ الاولٰی فاختلف الفقھاء فیھا فقال بوجوبھا عطاء بن أبي رباح والحسن البصري و أبو عمرو الأوزاعي و أبو ثور و الإمام أحمد في ظاھر مذھبہ و نص علیہ الشافعي في مختصر المزنی فقال و أما الجماعۃ فلا رخص في ترکھا إلا من عذر و قالت الحنفیۃ و المالکیۃ ھي سنۃ مؤکدۃ و لکنھم یؤثمون تارک السنن الموکدۃ و یصححون الصلاۃ بدونھا و الخلاف بینھم و بین من قال أنھا واجبۃ لفظي وکذلک صرح بعضھم بالوجوب‘‘(۲)
وجوب جماعت کے جو لوگ قائل ہیں ان میں سے صرف داؤد ظاہری اور بعض حنابلہ کا یہ قول ہے کہ جماعت صحت نماز کے لیے شرط ہے اگر جماعت فوت ہو جائے تو نماز تنہا ادا نہیں ہوتی؛ لیکن یہ قول مرجوح ہے۔ حافظ ابن حجرؒ نے اسی واسطے اس کا ذکر اس طریق پر کیا ہے کہ: ’’بالغ داؤد ومن تبعہ فجعلھا شرطا في صحۃ الصلٰوۃ‘‘(۱) یعنی دائود ظاہری نے وجوب جماعت میں مبالغہ کیا ہے ۔ اور اس کو صحتِ نماز کے لیے شرط قرار دیا، بعض حنابلہ بھی اس کے قائل ہیں۔
’’أحدھما أنھا فرض یأثم تارکھا و تبرأ ذمتہ بصلاتہ وحدہ۔ و ھذا قول أکثر المتاخرین من أصحاب أحمد في روایۃ حنبل فقال: إجابۃ الداعي إلیٰ الصلٰوۃ فرض و لو أن رجلاً قال ھي عندی سنۃ أصلیھا في بیتي مثل الوتر وغیرہ لکان خلاف الحدیث و صلاتہ جائزۃ و في روایۃ ثانیۃ ذکرھا أبو الحسین الزعفراني في کتاب الاقناع أنھا شرط للصحۃ فلا تصح صلاۃ من صلی وحدہ حکاہ القاضی من بعض الأصحاب واختارہ أبو الوفا ابن عقیل وأبو الحسن التمیمي وھو قول داود وأصحابہ‘‘(۲)
لیکن امام احمد بن حنبل کا قول جیسا کہ امام ابنِ تیمیہؒ، حافظ ابن قیمؒ اور حافظ ابن حجرؒ نے لکھا ہے۔ یہی ہے کہ وہ وجوب جماعت کے قائل ہیں۔ لیکن جماعت کو صحت نماز کے لیے شرط نہیں مانتے، تو گویا بقول حافظ ابن حجرؒ جس طرح نماز جمعہ کی صحت کے لیے جماعت شرط ہے اسی طرح پانچوں وقت کی نمازوں کی صحت کے لیے جماعت شرط نہیں البتہ ترک جماعت بہت بڑی معصیت اور گناہ ہے۔ جس پر رسول اللہ صلی اللہ علیہ وسلم نے سخت وعید اور تہدید فرمائی ہے۔
اور اسی طرح امام ابن تیمیہؒ نے ’’االاختیارات العلمیہ‘‘ میں تحریر کیا ہے۔ ’’و إذا قلنا ھي واجبۃ علٰی الأعیان و ھو المنصوص عن أحمد وغیرہ من أئمۃ السلف و فیھا الحدیث فھولاء تنازعوا فیما إذا صلی منفردا لغیر عذر ھل تصح صلاتہ؟ علیٰ قولین أحدھما: لا تصح وھو قول طائفۃ من قدماء أصحاب أحمد و الشافعي۔ والثاني: تصح مع إثمۃ بالترک وھو الماثور عن أحمد و قول أکثر أصحابہ‘‘(۳)
’’و بالغ داود من تبعہ فجعلھا شرطا في صحۃ الصلاۃ و لما کان الوجوب قد ینفک عن الشرطیۃ قال أحمد أنھا واجبۃ غیر شرط‘‘
دوسرا گروہ علماء کا وہ ہے جو نہ وجوب جماعت کا قائل ہے نہ جماعت کو شرطِ صحت نماز قرار دیتا ہے۔ یہ گروہ حنفی اور مالکی علماء کا ہے۔ یہ جماعت کو سنت مؤکدہ کہتے ہیں، لیکن ساتھ ہی یہ بھی کہتے ہیں کہ سنت مؤکدہ کا تارک گنہگار ہوتا ہے۔
’’والجماعۃ سنۃ مؤکدۃ للرجال … وأقلھا اثنان، … وقیل: واجبۃ و علیہ العامۃ أي: عامۃ مشایخنا وبہ جزم فی التحفۃ وغیرھا، قال في البحر: وھو الراجح عند أھل المذھب، فتسن أو تجب ثمرتہ تظھر في الإثم بترکھا علی الرجال العقلاء البالغین الأحرار القادرین علی الصلاۃ بالجماعۃ من غیر حرج‘‘(۱)
’’قولہ: ’’من غیر حرج‘‘ قید لکونھا سنۃ مؤکدۃ أو واجبۃ فبالحرج یرتفع الإثم ویرخص فی ترکھا الخ ونقل عن الحلبی أن الوجوب عند عدم الحرج وفی تتبعھا فی الأماکن القاصیۃ حرج لا یخفی۔
’’قولہ: ’’وسن مؤکداً‘‘: أي: استنانا مؤکداً بمعنی أنہ طلب طلباً مؤکداً زیادۃ علی بقیۃ النوافل، ولھذا کانت السنۃ المؤکدۃ قریبۃ من الواجب في لحوق الإثم کما في البحر، ویستوجب تارکھا التضلیل واللوم کما في التحریر، أي: علی سبیل الإصرار بلا عذر کما فی شرحہ‘‘(۲)
خلاصہ یہ ہے کہ سوائے ظاہر یہ اور بعض حنابلہ کے اکثر ائمہ دین علماء سلف اور صحابہ کرامؓ کا فتویٰ اس بارے میں یہی ہے کہ نماز باجماعت بغیر عذر شرعی کے چھوڑنے والا گناہ گار ہو گا؛ لیکن نماز اس کی منفرداً ہو جاتی ہے۔ سوائے نماز جمعہ کے کہ وہ بلا جماعت ہوتی ہی نہیں۔
’’في التلویح: ترک السنۃ المؤکدۃ قریب من الحرام یستحق حرمان الشفاعۃاھ ومقتضاہ أن ترک السنۃ المؤکدۃ مکروہ تحریماً لجعلہ قریباً من الحرام، والمراد بھا سنن الھدی کالجماعۃ والأذان والإقامۃ؛ فإن تارکھا مضلل ملوم کما في التحریر، والمراد الترک علی وجہ الإصرار بلا عذر‘‘(۱)

(۱) ابن حجر، فتح الباري شرح البخاري: ج ۲، ص: ۴۰۱ ۔
(۲) ابن قیم، ’’الصلاۃ وحکم تارکہا، فصل في حکم صلاۃ الجماعۃ‘‘: ج ۱، ص: ۱۳۷۔
(۱) ابن حجر، فتح الباري شرح البخاري، ’’کتاب الصلوٰۃ‘‘: ج ۱، ص: ۳۵۷۔
(۲) ابن تیمیہ، الاختیارات العلمیۃ، ص: ۴۰۔
(۳) ابن حجر، فتح الباري شرح البخاري: ج ۲، ص: ۴۰۱۔
(۱) ابن عابدین، رد المحتار علی الدر المختار، ’’کتاب الصلاۃ: باب الإمامۃ‘‘: ج ۲، ص: ۲۸۷، ۲۹۱ (مکتبہ زکریا دیوبند)
(۲) أیضاً: ’’کتاب الصلاۃ: باب الوتر والنوافل‘‘: ج ۲، ص: ۴۵۱۔
(۱) أیضاً: ’’کتاب الحظر والإباحۃ‘‘: ج ۹، ص: ۴۸۷۔

فتاویٰ دارالعلوم وقف دیوبند ج5 ص396

1 Answer