Darul-Ifta

الجواب وباللّٰہ التوفیق:مذکورہ آیت سورہ التوبہ کی ہے اس آیت میں اللہ تبارک وتعالیٰ نے منافقین کو دوہری سزا دینے سے متعلق ارشاد فرمایا اور یہ دوہری سزا قبل آخرت ہوگی، جیساکہ بحر محیط میں ہے: وہ دوہرا عذاب (دنیا میں) قتل اور عذابِ قبر ہے یا فضیحت ورسوائی اور عذابِ قبر ہے۔ ’’فأکثر الناس علی أن العذاب الثاني ہو عذاب القبر وأما المرّۃ الأولیٰ، فقال ابن عباس -رضي اللّٰہ عنہ- في الأشہر عنہ: ہو فضیحتہم ووصمہم بالنفاق‘‘(۱)
منافقین کے لئے ایک عذاب تو اس دنیا میں مسلمانوں کے ہاتھوں ان کا قتل اور ان کی رسوائی ہے اور دوسرا عذاب عذابِ قبر ہے، یعنی برزخ میں قیامت سے قبل سزا ملے گی۔ علامہ آلوسی رحمۃ اللہ علیہ روح المعانی میں اس آیت کی تفسیر کرتے ہوئے لکھتے ہیں: ’’قد فضح اللّٰہ تعالیٰ المنافقین الیوم فہذا العذاب الأول والعذاب الثاني عذاب القبر‘‘(۲) حاشیہ جلالین میں لکھا ہے: دنیا میں فضیحت ورسوائی یا قتل اور قبر میں عذاب تو یہ ایک بار عذاب دنیا میں ہوا اور ایک بار قبر میں ’’بالفضیحۃ أو القتل في الدنیا وعذاب القبر مرۃ في الدنیا ومرۃ في القبر‘‘ (۳) تفسیر خازن میں مذکور ہے: ’’سنعذبہم مرتین اختلف المفسرون في العذاب الأول مع اتفاقہم علی أن العذاب الثاني ہو عذاب القبر بدلیل قولہ (ثم یردون إلی عذاب عظیم) وہو عذاب النار في الآخرۃ فثبت بہذا أنہ سبحانہ وتعالیٰ یعذب المنافقین ثلاث مرات مرۃ في الدنیا ومرۃ في القبر، ومرۃ في الآخرۃ‘‘(۴)
مفسرین کا اس بارے میں اختلاف ہے کہ پہلے عذاب سے کیا مراد ہے؟ جب کہ اس بات پر سب متفق ہیں کہ دوسرے عذاب سے مراد عذاب قبر ہے۔
امام قرطبی نے اپنی تفسیر میں لکھا: ’’قال الحسن والقتادۃ: عذاب الدنیا وعذاب القبر قال ابن زید: الأول بالمصائب في أموالہم وأولادہم والثاني عذاب القبر‘‘ حسن اور قتادہ رحمہما اللہ اس سے دنیا کا عذاب اور قبر کا عذاب مراد لیتے ہیں، جبکہ ابن زید کہتے ہیں: پہلا عذاب ان کے مالوں اور اولادوں کو نقصان پہونچنا اور دوسرا عذاب قبر کا ہے۔(۵) مفتی محمد شفیع عثمانی رحمۃ اللہ علیہ اپنی تفسیر معارف القرآن میں اس آیت کریمہ کی تفسیر کرتے ہوئے لکھتے ہیں: آیت کریمہ میں ایسے منافقین کا ذکرہے جن کا نفاق انتہائی کمال پر ہونے کی وجہ سے رسول اللہ صلی اللہ علیہ وسلم پر اب تک مخفی تھا۔ اس آیت میں ایسے شدید منافقین پر آخرت سے قبل دو عذاب کا ذکر آیا ہے۔ ایک دنیا میں ہر وقت نفاق چھپانے کا ذکر اور مسلمانوں سے بغض وعداوت رکھنے کے باوجود ظاہر میں مسلمانوں کی تعظیم و تکریم، اور دوسرا عذابِ قبر مراد ہے۔(۱)
خلاصہ کلام آیت کریمہ میں دو مرتبہ عذاب سے مراد آخرت سے قبل دنیا میں قتل یا رسوائی مراد ہے اور مرنے کے بعد عالم برزخ یعنی قبر میں عذابِ قبر مراد ہے۔

(۱) اختلف الناس في تفسیر القرآن ہل یجوز لکل أحد الخوض فیہ؟ فقال قوم: لا یجوز لأحد أن یتعاطی تفسیر شيء من القرآن وإن کان عالماً أدیباً متسما في معرفۃ الأدلۃ والفقہ والنحو والأخبار والآثارالخ۔
من قال: یجوز تفسیرھ لمن کان جامعا للعلوم التي یحتاج المفسر إلیہا وہي خمسۃ عشر علماً:
أحدہا: اللغۃ۔ الثاني: النحو۔ الثالث: التصریف۔ الرابع: الاشتقاق۔ الخامس، والسادس، والسابع: المعاني والبیان والبدیع۔ الثامن: علم القراء ات۔ التاسع: أصول الدین۔ العاشر: أصول الفقہ۔ الحادي عشر: أسباب النزول والمنسوخ۔ الثالث: عشر: الفقہ۔ الرابع عشر: الأحادیث۔ المبینۃ۔ الخامس عشر: الموہبۃ۔ (عبد الرحمن أبي بکر، الإتقان في علوم القرآن، ’’النوع الثامن والسبعون: في معرفۃ مشروط الآداب‘‘: ج ۴، ص: ۲۱۳)

(۱) أبو حبان أندلسي، بحر محیط، ’’سورۃ التوبۃ: ۱۰۱‘‘: ج۵، ص: ۹۸۔
(۲) علامہ آلوسي، روح المعاني، ’’سورۃ التوبۃ: ۱۰۱‘‘: ج۷، ص: ۶۱۔
(۳) جلال الدین سیوطي، تفسیر جلالین، ’’سورۃ التوبۃ: ۱۰۱‘‘: ص: ۱۶۶۔
(۴) علاؤ الدین علي بن محمد، تفسیر خازن، ’’سورۃ التوبۃ: ۱۰۱‘‘: ج۲، ص: ۴۰۰۔
(۵) أبو عبد اللّٰہ القرطبي، تفسیر قرطبی، ’’سورۃ التوبۃ: ۱۰۱‘‘: ج۸، ص: ۱۵۳۔
(۱) مفتي محمد شفیع عثمانيؒ، معارف القرآن ،’’سورۃ التوبۃ: ۱۰۱‘‘، ج۴، ص ۴۵۱۔

فتاوی دارالعلوم وقف دیوبند ج2ص47

1 Answer