Question

فرض نماز کی تیسری رکعت میں بچے نے آکر جائے نماز کے درمیان  پیشاب کر دیا ۔  بقیہ نماز اسی حالت میں پوری کرنے سے نماز کا کیا حکم ہوگا ؟؟ نماز کو درمیان میں ہی ختم کرکے دہرانا ہوگا یا نماز مکمل کرنے کے بعد دہرانا ہوگا ؟؟

Answer 1

Ref. No. 2498/45-3819

بسم اللہ الرحمن الرحیم:۔   اگر بچہ نے جائے نماز پر ایسی جگہ پیشاب کیا جہاں نمازی کے اعضاء سجدہ میں پڑتے ہیں تو اگر ممکن ہو تو نماز میں ہی تلویث سے بچتے ہوئے  دائیں بائیں ہٹ کر نماز پوری کرلے، اس کو دوہرانے کی ضرورت نہیں ہوگی۔ اور اگر دائیں یا بائیں جگہ نہ ہو یا بچہ نے نمازی کے اوپر پیشاب کردیا تو ایسی صورت میں ایک طرف سلام پھیر کر نماز  سے نکل جائے اور پاک ہوکر یا دوسری جائے نماز پر نماز ادا کرے۔

واللہ اعلم بالصواب

دارالافتاء

دارالعلوم وقف دیوبند