Question

’’کنت نورا بین یدی ربی عزوجل‘‘ حدیث کی تحقیق:
(۶۰)سوال:’’نشر الطیب فی ذکر النبی الحبیب صلی اللہ علیہ وسلم‘‘ میں حضرت تھانوی رحمۃ اللہ علیہ نے ایک حدیث لکھی ہے کہ آپ صلی اللہ علیہ وسلم نے فرمایا کہ میں اپنے رب کے سامنے ایک نور تھا آدم علیہ السلام کی تخلیق سے تقریباچالیس ہزار سال پہلے۔ اس حدیث کی تحقیق مطلوب ہے۔
فقط: والسلام
المستفتی:  محمد کریم اللہ بنگال

Answer 1

الجواب وباللّٰہ التوفیق:حدیث میں چودہ ہزار سال کا تذکرہ ہے۔ اور حضرت تھانوی رحمۃ اللہ علیہ کی ’’نشرالطیب‘‘ میں بھی چودہ ہزار سال کا ہی تذکرہ ہے۔ حدیث احکام ابن القطان کے حوالے سے متعدد کتابوں میں مذکور ہے۔ عجلونی کی ’’کشف الخفا‘‘ میں اسی طرح ’’سیرت حلبیہ، شرح الزرقانی علی المواہب‘‘ اشرف المصطفیٰ وغیرہ کتب میں یہ حدیث مذکور ہے، تاہم حدیث کی اسنادی حیثیت پر کہیں کوئی کلام نہیں ملا۔
’’کنت نورا بین یدي ربي عزوجل قبل أن یخلق بأربعۃ عشر ألف عام نقلہ العجلوني في الخفاء عن العلقمي عن علي بن الحسین عن أبیہ عن جدہ مرفوعا في ھذا الإسناد علی وابنہ صحابیان وسبطہ علی بن الحسین الملقب بزین العابدین  تابعي و أوردہ القسطلاني في باب أول المخلوقات عن مرزوق عن علی بن الحسین عن أبیہ عن جدہ‘‘(۱)

(۱) عبد الرشید بن ابرہیم، فرحۃ اللبیب بتخریج أحادیث نشرالطیب، ص:۶۹۔

فتاوی دارالعلوم وقف دیوبند ج2ص98